نظرتي عن فيفا 15 و مدى سوء هالجزء – تدوينة سريعة



تدوينة سريعة آكثرهآ حلطمة عن فيفا 15 .. بسم الله نبدأ :

فيفا 15 .. مميزات إن وجدت بذكرهآ بإذن الله ..
السلبيآت بفصلهآ إذآ م نسيت شيء ، طبعا ً لإنهآ كثيرة بشكل
مب طبيعي لدرجة إنهم إذآ نوو ينزلون خيآس م ظنتي بيكون بهالصورة
الحالية لهالجزء آللي آعتبره من آخيس م لعبت ..
صحيح إنه لآ زآل من ريحة فيفآ و م تغير هذآك التغير الكبير لكن
شريط كورة اهم م يميزه ب اللعب هو التحرك ..
بدون لآعيبة يتحركون بالملعب نقلبه طآئرة آبرك !!!
إذآ م فهمت الذبه تجآوزهآ ولآ تدقق Talking

وش السيء بفيفا 15 ؟

– التحرك :
مب معقول هالشريط بتحرك اللآعيبه !!! خبرة كورة منذ نعومة آظآفري
و اجيد اللغة الإنقليزية و افهم الاضافات بالشريط ..
و وقتي كله يذهب لعشقي وهو كرة القدم Icon Redface ف لحد ينبرش و يقول انت م تعرف ؟
انت م تفهم ؟ انت منت كورجي ؟انت م تعرف لفيفا ؟
انآ من بددآيآتي العب ويننق إليفن ثم البيس بالماستر ليغ
ثم حولنآ لفيفا من 11 ، طبعا ً بديت بآخر 10 طقطقة و قررت التحول لهالسلسلة
من الجزء الحادي عشر و بدأت المسيرة مع الكآرير مود ( نمط المهنة ) ..
فيفا 11 م اذكر الكثير بسبب مشآكل ف الذآكرة عندي
Icon Rolleyes
لكن كآن جزء بسيط جميل سلس هذه الصوره اللي تركهآ ف ذاكرتي
هالجزء .. ممكن تجيبه لي الآن آضحك لإن مب عادتي العب شريط قد
طوى عليه الزمآن ! ، ايضا ً النقلة النوعية اللي هي احد الإيجآبيآت
للسلسلة .. بس مب معقول تطور ك محرك تطور ك مستوى لعب
ثم بجزء واحد تهدم ثلاثة اجزاء لهالسلسلة العريقة ..

طبعا ً اللي يقلي بدآيات فيفا قبل 7 مدري كم ،  يوم تنبرش ع الحكم
شريط كورة بضطر اتجاهله .. الكرة كانت بملعب كونآمي بالويننق إليفن و تقريبا ً البيس
ثم آستحوذت فيفا على الكرة بشكل كلي لحد هذه اللحظة على الأقل بالنسبة لي !
بتقلي بلآش لآ تزودهآ ي بيبو .. بقلك بالعكس سكتنآ لهم كثير
Talking
الحين انآ معصب ف بفرغ طآقتي فيه بعض من كلآمي بدون وعي قد كتبته
لذلك تجاوزو بعض النقاط الواضح إنهآ ردة فعل فقط لآ آكثر ..
يوووه ي الفآظي ومصطلحاتي اول مره آكتب بهالطريقة خخخ ع كل نرجع لفيفا !
فيفا 15 .. طبعا ً خلونآ بجآنب الآوفلآين الكثير تضآيق من الكآرير و إضآفاته
اللي م كانت بالمستوى ، الغضب زآد حين قررو مسوؤلي EA بإزاحة معرفة درجات
اللاعب بالكامل من قبل م تشتريه
.. ف لآزم تتربص للاعب فتره حتى تراقبه
و تعرف وشهو من لحية ثمن توقع معه ! < قلبت بدوي لآ تدققون .
هذه احد السقطات خصوصا ً بنظام راقب ثم إشتري اللي لآ زلت اشوفه
م طبق بالطريقة الصحيحة انآ معهم بهالنقطة لكن جابو لنا التعب حتى نوقع
مع لآعب .. اذا بتضيف شيء او بالأصح بتسوي شيء سوه زين و كامل
ولا خله لبعدين
.. مب معقول بس تحط لي هالحركه و تقلي إضافة !!!
ضيف لهآ ع القليلة مرآقبه لتقييمآت اللآعب و اهدافه و صناعاته و مستواه بشكل ادق
بمبآريآته مع فريقه الحالي مثل ما تشوف تقييم لآعيبتك بالسكوآد ريبورت !
ضيف لهآ ع القليلة طيب نجوم السكيل موفز و الويك
فوت
مب معقول اوقع مع لآعب خورافي ك درجات و اخرتها ويك فوت 1 ولآ يطقطق
بالكورة حتى م يعرف ! وش هالسذآجه مب اي فكره تطن برأسكم تضيفونهآ بدون
م تكملونها و تتقنونهآ !  طيب ضيفو ياخي ع القليلة نقاط رئيسية لتحديد اللاعب
بالدوري مب بس سريع ، لاعب اساسي ، مهاري .. و حتى نتآئج البحث مخيسة
و احيان لآ تمت للأشيآء اللي بحثتهآ بصلة .. ف هالنقطة هذه اهم و اخطر نقطة
كمحتوى جانبي للكارير مود
.. ايضا ً فيه نقآط ثآنيه مثل العروض اللي تجيك لتدريب
عدة أندية
و ايضا ً تكرر الإنتقالات بشكل يثير الغضب .. و لآ ننسى عشوآئية المطآلب
و مدى حمآقتهآ تأهلهم من الشامبيونشيب يقلك يالله ي وحش وصلنآ لليوربآليغ
و تقله هات مليون مليونين يقلك م شفنآ مستوآك بعد .. تستهبل ؟!
Icon28
هذآ كله كوم بالمحتوى الجانبي للكارير مثل م قلت فيه نقاط ثانيه كثيره
سلبية م يعنيني التطرق لهآ لإني بتعب بصرآحه .. نتكلم ع المحتوى
المهم للكارير القيم بلآي ي حبيبي
من دون لعب زين وشلون بتلعب زين ؟
او خلني آقولها بطريقة اوضح من دون م يتحرك الفريق وشلون بتشكل هجمة
مرتبة منسقة لفك دفاعات الخصم
.. التحركات البدآئيه اللي كنت تسويهآ للاعب

بالآجزاء القدميه فوق تحت يمين يسار اهون و ارحم مليون من الآنستركشن
السآمج اللي بفيفا 15
.. يعني صآرت لي سآلفة مثل عمرتي حبيبي

آقله لآ تقدم و حاط له آنستركشن STAY BACK ورغم ذلك آحصله
مسجل هدف و منفرد يقل لآونال غط مركزي لآ هنت !!!
وش ذآ تقلي حرية التحرك ملغية تقلي تبادل الادوار ملغية و مرتبهم بالتكتيك
اللي ايضا ً مخيس ولم يتطور من الاجزآء السآبقة !
يعني اشياء كثيره محبطة مثل هذه بتأثر تأثير فظيع باللعب و تحرك اللاعبين
في الملعب و اقولهآ لكم بدون لعب زين الكآرير م يسوى نحول فيفا مانجر
مدري فوتبول مانجر ابرك ! بلآهه نلعب ولآ كيف ..؟
فيفا 14 وش اختلف عن فيفا 15 بالتحرك ؟ اخلتف كثيييييييير
و بشكل كبييييييير كيف وش اللي اختلف مدري انت حدك تلعب
تعرف وشلون اختلف .. الجناح تمشي جنبه 120 وشوي تطالع فيه
تحصله مبنشر .. سلامات !!! يخوي تحرك ترا الكورة تجري من باب لباب !
مب يعني مراكض لآ بس الكورة تحرك بكورة و الثاني يتحرك بدون كورة ..
سهلة نسبيا ً زي لعب فيفا 14 تطبيقهآ على حسب طقطقتك و اسلوب لعبك …
بفيفا 15 تحس انك تطبخ هجمة محكوم عليهآ بالفشل قبل لآ تبدأ ..
لحد ينبرش و يقول اسلوب لعبك او شيء زي كذآ لإني اصنع هجمات جدا ً جميلة
لكن اللعب تغير و صار عقيم بصرآحه .. يعني هذآ مثال اخر :
تدق ون تو مع لآعب و توصل للـ 18 تحصله راح يسلم على حآرس الخصم حربية !
ليه طيب مب يعني ون تو تطلع برا و تروح بعيد مب لآزم تبرمجوه انه يدعس
المفترض الون تو يكون على حسب الموقف بإمكانه اللاعب اذا م حصل مساحه
يمشي فيه يهوز او يمشي شوي بالمساحه الفاضيه اذا وجدت و يوقف
مب لآزم يفك سبرينت ولآ يوقف ! انا اتكلم عن الون تو المتأخر بالثلث الأخير ..
ممكن ايضا ً يتحرك اطراف يراوغ يتحرك يربك الخصم يسوي اي شيء ..
فهذه مشكلة الون تو و مشكلة الجناح المبنشر !
و قد تكلمت عن الإنستركشن الوهمي اللي كله كذب في كذب وتعبت آضبطه
قد ماقدر لكن معظمه كلآم فآضي بصرآحه .. آيه نعم قد سويت تكتيكآت خرآفية
و اشياء ممتازة و لعبت بكاريرآت كويسه هجوميا ً لكن لآ زال العقم طاغي
على الشريط و اللعب و التحرك … كلآمي كثير آدري ولآ زلت بتكلم لين آفرغ
اللي فيني .. كثير مننآ سحب للبيس خصوصا ً حقين الآلتيمت بعد التحديث الأخير
بالنسبة للاوفلاين كثير سحب ف بدآيات الشريط اللي تعتبر اسوأ بداية لي مع شريط
كورة على الإطلآق تسنتر هدف ي رجل اول ارحم بقليتش السنتره ع الأقل ترجع
الكوره ثم تنقشها له لعند الحارس و تضغط مربع هدف .. لآ الحين اضغط ار ون
ولآ وصلت الحارس دق مربع بيتفرج فيك .. طبعا ً كثير سحب ع الشريط
و الغالبية للتحديد بآعه .. بعدين بدأ يضبط الوضع لكن بطريقة غبية
لكن يضبط احسن من انه م يضبط .. استمر الوضع و زاد خياس الكارير
و لو ترجعون لبدآيآتي بالكارير بتعرفون اني قلت ( مخيس ) ..
( سهل ) ( ممل ) و لأول مره برضو تمللت و كرهت اخلص موسم 1 بالكارير !!!

طيب نترك الحلطمه لإنهآ م حتقدم ولآ تأخر ولآ ظنتي لو كملت بهدأ ..
ف نحول الفقره الآخيره من الموضوع :

فيفا 14 سلس فيفا 15 معقد
فيفا 14 ممتع فيفا 15 ممل
فيفا 14 تحركات جميلة فيفا 15 مزهريات جميلة

توافقني الرأي .. ؟ للعلم مب لآزم 14 بس انا اقآرن بين اخر جزء لإنه
التغير اللي حصل ” كآرثي ” ولآ يطاق .. لحد يفهمني غلط
الكوره بستمتع فيه غصب عن نظام فيفا و سينآريوهآتهم المستفزة
سواء ً اللي يعرفها اكثركم باللعب بليجندري او هدف الدقيقه 90 وغيرهآ
من الأمور اللي ظهرت بشكل كبير بهالجزء مثل تقطع الكورة ترجع له
او تاكل تراب لين يعطونك كوره او مثلا ً لآ ضيعو وقت قم جيب الكوره
منهم ان كنت فآلح يلفلفون فيك الملعب لين تضطر و تستغفر ربك و و تنتظر
الصافرة .. لآ انسى اكثر نقطة مستفزة دفاع البآص اللي هو رهيب
لكن سلبي جدا ً هالإضآفة بسبب عقم التحركات الهجومية ..

الحكم وش يعني لك ؟ هل تعتقد بإن فعلا ً الحكم مرتشي ؟
تحس انه حاقد عليك ؟ انا بصراحه القرارات التحكيمية جدا ً
مضحكة لدرجه انهآ تخليني اعصب فجأه ..
احيانا ً اعترف بصراحه انه مافيه حكم او ع القليله م معاي حكم !
بتحسبونهآ حلطمه برضو ادري بس هذا الحال و الواقع المرير
بعد م تلعب هالشريط لفترة طويلة تتأكد هالنقطة ..

للتنويه هذآ كله للآوفلآين و بكثرة .. امآ الآونلآين يسلك معك
الوضع بالتدريج .. الكارير مود يحتضر بصراحه إذآ م طورو افكارهم المخيسة زين ..
بالنهآيه احب آقلكم بإني افكر اسوي فيديو عن امنياتي لفيفا 16
كيف يكون .. FIFA 16 Career Mode Wish List
الاجآنب مب احسن مننآ .. حطيت كذآ فكره بس نآقصني التكملة
و التشجيع بردوودكم
مع اني آشك م حولي آحد

ك العادة هذه الروآبط الخآصة فيني للي حاب يتوآصل معآي
المدونة التويتر القناة

Advertisements

3 thoughts on “نظرتي عن فيفا 15 و مدى سوء هالجزء – تدوينة سريعة”

  1. اتوقعت اني الوحيد اللي ملاحظ هذي الاشياء لكن انت لخصت كل اللي في راسي بمقالة .
    انا حولت لفيفا من فيفا 10 ومن وقتها انا ما يجيب راسي الا الكارير ونادرا ماالعب شي ثاني .
    وكل جزء كان في تصاعد سواء في القوائم او اللعب الى فيفا 13 ومن بعدها انحدار شدييييييد بداية من اخفاء الطاقات الى تغيير القوائم السيء وفي فيفا 15 صار الكارير لايطاق يعني مستحيييييل يجيك عرض انتقال وزيادة الميزانية صارت بطلوع الروح وكل ماتدخل في صفقة مع لاعب يكون متفاوض مع نادي ثاني .
    لكن هذي كلها تنبلع اما يكون اللعب بهذي الصورة المملة انا جاي العب فيفا عشان امتع نفسي مو عشان اطفش واتنرفز حتى من كثر الاعب ماهو ممل صار ينعكس على لعبك لما تلعب مع خويانك او تلعب اون لاين تحس لعبك صار ممل وعقيم.
    انشاءالله يتغير في الاجزاء الجاية لكن مااظن لان هم الشركة الاول والاخير هوا كيف يطلع من وراك بعد ماتشتري والكارير مايجبلهم شي عكس الانماط الثانية .
    استنر يابيبو 👍

    Like

    1. اولا ً حياك بالمدونة اول رد 🙂 .. ثانيا ً بالفعل الهم الاساسي لهم حاليا ً هو الفلوس .. الكارير اعتقد لشعبيته مجبورين يسوون شيء و يضيفون اشياء بس اهم شي تكون مناسبة و فعالة و ممتازة .. الله يعين احيان استمتع بفيفا 15 إحقاقا ً للحق لكن اغلب الوقت يقهر و يرفع الضغط .. إن شاء الله فيفا 16 يتحسن و يكون نقلة نوعية عن هالجزء .

      Like

  2. انا اتمنى في فيفا ١٦ ان يكون في طور المهنه تعديل في المحاكاه انه انت تشاهد المباراه وتغير الاعبين انت يعني المحاكاه ماتشوف المباراه ولا شي هذي مشكله اتمنى ان الفكره وصلت

    Like

ساهم بدعم المدونة عبر ترك تعليق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s